شعرك تالف و جاف وخشن $ عندي الحل $

السلام عليكم ورحمة الله وبركاته لأهل تولين الكرام وزواره الاعزاء

المهم مالكم في طول الكلام بدخلكم في الموضوع على طول

انا يابنات زماااااااااااان ايام ماكنت تحت رعاية امي الله يحفظها كان شعري مره حلو وماشالله عليه

لحد ماكبرت وتنيلت على عيني وتزوجت وقمت عاد بالخرابيط وقص وصبغ ومدري ايش وكله متأثره الاخت ببرنامج <<<<<<<<<كيف تحافظين على زوجك .......

لابد من التجديد من مظهرك وشكلك وكل أسبوع تصبحين عروس جديده

طبعا هالكلام ماجا على اختكم بخير

وبعد طول معاناه وبعد ماغزى الشيب شعري مع اني لم اتجاوز 25 عاما ........لكن بسبب الصبغات الله يسامح من اخترعها ماجت على النسوان بخير

بس الحين يالله لك الحمد شعري تحسن كثير وصرت راضيه عنه بنسبة 85% وعقبال 100% يارب قولو آآآآآآآآآآآمين عاد ........لي ولكم ان شالله ولكل البنات

وهذا نظامي وبرنامجي وبكتبلكم اياه بالتفصيل الممل واللي بينفعها تدعيلي واللي ماينفعها لاتدعيلي واللي تبي تنقله لاتنسى تكتب منقووووول من منتديات تولين الرائعه

انا يمكن مقصره مع هالمنتدى كثير بس والله ظروفي عمل ودراسه وبيت .........الله يسامح امي يوم ماخلتني اكمل دراستي عندها ...................ياكثر ماتشكى صح بس انتم خواتي وامون عليكم صح والا لا .........

اول شي بتكلم عن طبيعت شعري انا شعري بطبيعته يعني قبل يخرب كان ناعم وطويل لاخر ظهري وكثيف ماشالله والحمد الله هالكثافه اللي كانت ماضايقتني زمان نفعتني بعد الزواج والحمل والولاده على كثر مايتساقط الا انه حجمه اوكي والحمد الله

والفتره اللي بديت اعالجه فيها كان يابنات جاف جفاف غير طبيعي ومتقطع وناشف وحالته يرثى لها

اول شي صبغت شعري لون واحد لانه كان من الميش صاير كنه فريق الاتحاد اسود واصفر

وصبغته صبغه حلوه من غارنييه اللي مع زيت الزيتون وكان اللون توت وطلعت حلوه الحمد الله وهجدت الكوشه شوي.........بتسألون ليش صبغته وهو معدوم بقولكم لأن الميش قد ماتزيتين
مايبان بالشعر تحسينه مايستفيد من الزيت ابد
اول شي فحصت الدم بتسألون ليه بعد بقولكم .......لأن ياحبايبي قد ماسويتي خلطات مستحيل يبان لها أثر والجسم فيه مشاكل داخليه لقيت نسبته 9

وقمت صرت كل صباح على الريق اضربلي بالخلاط 7 تمرات مع كوب ماء او حليب على حسب انتي ايش تحبي وسويه وكثر ت بشرب الماء اخذتلي قاروره النصف لتر وكل ماتخلص وحده اخذ الثانيه وهاكذا طول اليوم وكنت احط بكل قاروره ملعقه موية ورد حلوه تنظف الجسم وتخلي وجهك مورد
وكمان السلطات وبالذات الجرجير مره مفيد لجسم المرأه والزبادي اقل شي علبه باليوم تاكلينها

هاذا بالنسبه لداخل الجسم انتهينا منه لحظه تذكرت كتبتلي الدكتوره على فيتامين اسمه هيردال للشعر ب77ريال سعودي وفيها 60 حبه لمدة شهرين بس وتوقفينها

وبكذا خلصنا من الداخل نجي للخارج .........انا بصراحه مايهمني الشعر يطول قد ماتهمني صحة الشعر وحيويته وش فايدته طويل ومافيه حياة

كان عندي اجازه 45 يوم من الدوام فقررت فيها اشتغل على نفسي .......لأن نفسك لها عليك حق

اول شي بديت بقناع الزبادي للشعر وكان عبارة عن:علبه زبادي منتهية الصلاحيه وهي الافضل والافيد وعشان مايكون بعد تبذير فيه ناس ماهي لاقيه تاكل واحنا نتزين فيها حرام والله وبس اذا انتهى تاريخه بدل ماينرمي استفيدي منه
جيبي صحن عميق وحطي فيه علبة الزبادي وحطي معها ملعقه عسل وملعقه خل تفاح وشوية زيت من اللي تستخدميه لشعرك واذا مافيه حطي زيت الطبخ ينفع وحطي ملعقه سدر واغليلك شوية نواة تمر عالنار في مويه واخلطيها مع باقي المكونات وبتكون لاسايله ولا ثقيله وعلى طول حطيها على شعرك وهو نظيف وهي لسه دافيه يعني كأنك جاسه تصبغين شعرك وبعدين لفيه بكيس نايلون وخليه من ساعتين لثلاث ساعات انتي ورغبتك ...........انا لأن شعري كان معدوم استخدمت هالصبغه لمدة اسبوعين متواصله وكنت لمن اطلع من الحمام اقسم شعري والفه بالبنس او مشابيك الشعر واخليه ينشف طبيعي والله يابنات لمن مرت اسبوعين كان شعري ماشالله لين وطري وبدت تدب فيه الحياه من جديد بعدين صرت استخدمها مرتين بالاسبوع بس لدرجة انه ماعاد صرت احتاج الاستشوار في اغلب الاحيان ارتحت وصار شكله مره حلو الحمد الله

بالنسبه للشامبو بصراحه انا استخدم شامبو وبلسم الاطفال من شركة نونو ومااستغني عنهم جربت كثير بس زيهم مالقيت بصراحه

وبعدين لمن شفت شعري استرد عافيته قمت افكر بالتطويل ......فاستخدمت دابراملا القديم ..........لأنه ماشاء الله عشرة عمر وكل بنات العيله عليه وانا اثق فيه .........بتقولولي الريحه بقولكم حلول

اول حل انك لمن تزيتين شعرك على طول تحطين فوقها الخليط اللي فوووووووق بس من غير الزبادي وماراح تطلع ريحته ابد والمقصود باللي فوق (سدر+عسل+خل تفاح +موية نواة التمر )

والحل الثاني انك بعد ماتغسلين شعرك تشطفينه بماء دافي مذاب فيه نسكافه

وكمان انك تبخرين شعرك ..........وانتي واللي يريحك

المهم نتايج هالنظام الاقتصادي اللي استخدمه من مكونات البيت

شعر صحي لامع كثيف وطويل والحمد الله

بأقل التكاليف الممكنه .................لاتفكروني بخيله يابنات

بس والله عندي مسئولية عائله كامله في كفالتي ولازم احسب حساب كل شي بس الحمد الله دايمن متوفقه بفضل ربي

واي سؤال انا حاظره واذا تأخرت اعذروني واعرفو انه غصب عني
شعرك تالف و جاف وخشن $ عندي الحل $ Icon18

شعرك تالف و جاف وخشن $ عندي الحل $ Icon18

اشوووووف ردودكم

شعرك تالف و جاف وخشن $ عندي الحل $ 867767

شكرا على الموضوع

ليش تسوي كده في شعرك

انا كنت اسوي وانا صغيرة ولم كبرت ودخلت المتوسط ماصرت اسوي العكس سبحان الله

واختي دايما تسوي وانا انصحها بس لا حياة لمن تنادي

ويوم سوت صبغة لونها بنفسجي صار اللون اصفر زي الشمس في وقت الظهر

وانا فتحتها تريقه شعرها لونه يضحك ولا وهي تقول ماطلبت رايكم هههههههههههههههههه

وان شاء الله شعرك الحين احسن يا المتميزة

والكل يسوي الاستشوار صح

ميرسي كتير على الموضوع الحلو

تحياتي اللجميع شعرك تالف و جاف وخشن $ عندي الحل $ 640522

شعرك تالف و جاف وخشن $ عندي الحل $ 640522

الحلا عنواني

جَزَاك الله عَنّا كُلّ خَير حبيبتي
انا اختي الكبيرة متلك بس تزوجت خرب شعرها ككتير و هي الان حامل انا رح اخليها تقرأ الموضوع وان شاء الله تستفيد و يتحسن شعرها
والله يعطيكي العافية

شكرا على ردودك وجزاكم اللة الف خير

جَزَاك الله خيير
والله يعطيكي العافية

عفيوا يا المتميزة

بس يا متميزه انتي تقولين عمري 8 سنوات كيف تزوجتي

لا انا عمري تسع سنوات وهذا منقول

اها شكرا موضوعك جدا رائع ...
شعرك تالف و جاف وخشن $ عندي الحل $ 491107

شكرا شكرا شكرا

تقبلي مروري

شكراااااااااا على الموضوع الرااائع

مشكوووووووووووووووووووووووووووووووووووووووووووووووووووووووورة
شعرك تالف و جاف وخشن $ عندي الحل $ 362239

شكرا على مروركم

يسلمو خيتؤؤؤ معلومات مفيدة

مشكورة يعطيكي العاافية

تقبلي مروري
اختي ديمة حبيبتي ورغد شبيهتي

رائع تسلمى